简介：
Kerry Lee is op 15 November 1989 in Durban gebore. Vanaf drie-jarige ouderdom was haar talent en vokale vernuf al baie duidelik, en het sy gereeld konsert gehou het met haar pienk en geel mikrofoon wat ma, Nora, vir haar aangeskaf het! Sy het skoolgegaan by die Laerskole Witrivier en Nelspruit en het haar Hoërskool loopbaan aan die Hoërskool Zwartkop voltooi. Gedurende haar grootword jare het sy in talle Eistedfods deelgeneem en ook op spesiale uitnodigings in Mauritius en Engeland opgetree.\n \nHaar ouers wou haar kostelike stemmetjie op CD verewig en op elfjarige ouderdom het die bekende Andy & Murray Lubbe vir haar ‘n eerste CD opgeneem.\n \nIn 2009 sing sy “Love & Mortar” se tema lied op DSTV 182 en daarna volg “Street Rods Africa” se tema lied in 2010. Haar debuut CD “Vou jou arms om my”, opgeneem deur Anton Botha, word ook gedurende 2010 vrygestel en daarmee maak sy haar buiging op talle radiostasies in Suid-Afrika.\n \nGedurende 2012 stel sy ‘n nuwe enkelsnit Met ringe en woorde bekend, en hierdie liedjie vaar ook ongelooflik goed op radiostasies landswyd.\n \nNou, gedurende 2013 het Kerry Lee kragte saamgesnoer met die baie bekende Hugo Ludik, stigterslid van die welbekende groep ADAM en ook Direkteur van Muse Productions, en reik twee nuwe enkelsnitte saam met haar laaste enkelsnit Met ringe en woorde uit. Die liedjies, Shut up en soen my en Kaalvoet Boerseun, is geskryf deur Hugo Ludik en Reynardt Hugo en vervaardig deur Jake Odendaal van Maven Productions. Dit het ‘n lekker vars en ritmiese country aanslag en pas haar stem soos ‘n handskoen!\n \nDie musiekvideo van Shut up en soen my is ook tydens die opnames vervaardiger deur Fathom Media en sal eersdaags op nasionale televisie te sien wees.\n \nFamilie: Jongste van twee.\nGunsteling tydverdryf: Lees graag liefdesverhale.\nGunsteling TV programme: American Idol \u002F Grey’s Anatomy \u002F So you think you can dance\nGunsteling Films: Notebook \u002F Twilight Saga \u002F How to loose a guy in 10 days\nGunsteling sport: Rugby \u002F Haar bloed is blou!\nGunsteling kos: Italiaanse kos\nGunsteling musiek: Moderne Country \u002F Afrikaanse pop musiek\nWat min mense weet: Groot bok vir sports \u002F Lief vir die natuur en kamp graag\nLewenslesse: Niks in die lewe kom verniet nie. Jy moet hard werk vir wat jy wil hê. Geniet elke oomblik van die lewe voluit!\nFacebook: https:\u002F\u002Fwww.facebook.com\u002Fkerryleemusic\nTwitter: @real_kerrylee\nMuse Productions: www.museproductions.co.za\nFathom Media: www.fathom.co.za